DI MAILARAWAN NG SALITÂ
walang salitâ ang makapaglalarawan
pag minamahal mo'y nawalang tuluyan
dalamhati ang wikang nauunawaan
ng puso ng makatang dama'y kahungkagan
tila ba naabot ang pinakamalalim
na sulok niring pagkatao't paninimdim
sa init ng araw ang pag-ibig ay lilim
parang matinik na rosas ang nasisimsim
pinipilit harapin ang katotohanang
anuman ang gawin ay di matatakbuhan
káya pa ba ang masakit na karanasan?
nawa'y patuloy kong angkin ang katatagan
danas ma'y gaano kasakit at katalim
na iwing puso'y hinihiwang anong lagim
laot ay masisisid kahit na malalim
sa kabila ng damang pighati't panimdim
- gregoriovbituinjr.
02.18.2026
Walang komento:
Mag-post ng isang Komento